Për klubin e zemrës luajti për 100 euro, tani e blen atë për ta shpëtuar nga falimentimi

09:27 | 4 Prill 2020
Arbresh.info

Futbollisti i famshëm polak Jakub Kuba Błaszczykowski ka vendosur të shpëtojë Wisla Krakow nga falimentimi duke e blerë atë.

Klubi polak kishte probleme të mëdha edhe para pandemisë COVID-19, por pasi virusi famëkeq paralizoi botën dhe ndërpreu plotësisht garat sportive, skuadra e Wisla ra në telashe të mëdha.

Drejtuesit e klubit duke parë këtë gjendje të rëndë, filluan të mendojnë falimentimin, por ishte 34 vjeçar Kuba që me ndihmën e disa miqve, shpëtuan klubin.

E gjitha ndodhi në mënyrë të qartë, Kuba, i cili ende është një lojtar i Wisla, me dy miqtë e tij, biznesmenët Thomas Jadzynski dhe Jaroslaw Krolewski, vendosën të blinin klubin dhe të paguanin të gjitha borxhet që janë grumbulluar në vitet e fundit.

Kujtojmë se Kuba një gjest të madh ka bërë edhe vitin e kaluar, kur vendosi të rikthehej te ish skuadra e tij me pagë vetëm 100 euro.

Madje ai, pagoi borxhe të mëdha në shumë prej 300 mijë euro në emër të klubit.

Shpërndaje në rrjete sociale

Lajmet më të lexuara

Të ngjashme

Foto lajm