Në mes të krizës së koronavirusit, Shtetet e Bashkuara të Amerikës kanë dërguar anije luftarake dhe avionë zbulimi në Detin e Karaibeve. Presidenti Trump, thotë DW, po shfrytëzon momentin për të rritur presionin ndaj regjimit të Maduros.
Fjalimet e përditshme të shefit të Shtëpisë së Bardhë janë bërë pjesë e ditëve të karantinës për familjet amerikane. Deri në tetë milion amerikanë i ndjekin përditë para ekranit Presidentin Donald Trump dhe ekipin e tij të ekspertëve, kur paraqesin shifrat dhe zhvillimet e fundit në krizën e koronavirusi.
Por të mërkurën shumë prej tyre u habitën kur në vend që të fliste për infeksionet, Trumpi dhe sekretari i Mbrojtjes Mark Esper njoftuan se një nga operacionet më të mëdha ushtarake amerikane të viteve të fundit në Karaibe – një mision antidrogë me anije luftarake dhe avionë zbulimi – si dhe prania ushtarake në rajon do të dyfishohen. Administrata amerikane thotë se do që të “mbrojë Amerikën nga kthetrat vdekjeprurëse të drogave të paligjshme”.
Ndërsa Esper e bëri të qartë se qeveria amerikane ka në shënjestër edhe liderin e Venezuelës, Nicolas Maduro, regjimi i të cilit varet nga shitjet e narkotikëve. Sipas Esper njerëzit vuajnë jashtëzakonisht shumë si rezultat i “sundimit kriminal të Maduros”.
Manovra e tanishme, sipas DW, sjell në kujtesë ndërhyrjen e SHBA-së në Panama në 1989, për rrëzimin e sundimtarit të atëhershëm Manuel Noriega. SHBA e akuzuan edhe atë për kontrabandë droge dhe më pas e vunë në bankën e të akuzuarve. Gjykata e Nju-Jorkut e akuzon edhe Manduron si dhe 14 politikanë të tjerë venezuelianë për “narko-terrorizëm, korrupsion, kontrabandë drogash dhe vepra të tjera penale” ndërsa është shpallur një shpërblim prej 55 milion dollarësh për kapjen e tyre.
“Kam trashëguar një skuadër të mirë nga Klopp”, Arne Slot re...
Vdekja misterioze e Tupac, hetuesja: P Diddy është i përfshi...
Kryesia e Kuvendit mblidhet nesër, këto janë pikat që do të ...
Taksistit në Prishtinë ia grabitin 100 euro nën kërcënimin e...
Policia ndalon dy persona në Zubin Potok, dyshohet se hynë i...
Gazeta spanjolle shkruan për Vlorën: Eksploroni perlën e fsh...