Basha i uron shërim të shpejtë mjekut Kraja: Të vlerësojmë sakrificat e mjekëve

12:45 | 1 Prill 2020
Arbresh.info

Kryetari i PD, Lulzim Basha ka reaguar pas infektimit me koronavirus të mjekut Dhimitër Kraja.

Në një postim në Facebook, Basha duke i uruar shërim të shpejtë thotë se asgjë nuk e ndali doktorin që të rikthehet pas 48 vitesh në repartin infektiv.

“Asgjë nuk e ndali doktor Dhimitër Krajën të rikthehet pas 48 vitesh në repartin e infektivit për të ndihmuar dhe shpëtuar jetët e pacientëve. Guximi, humanizmi, profesionalizmi dhe solidariteti njerëzor rrëzuan çdo pengesë, dhe e rikthyen atë në krah të kolegëve të tij, në mbrojtje të jetës dhe shëndetit të bashkëqytetarëve nga virusi i rrezikshëm që e preku dhe atë vetë.

I uroj nga zemra doktor Dhimitrit shërim të shpejtë! Urime dhe lutje për shëndetin e tij burojnë nga zemra e çdo shqiptari. Sot si kurrë më parë nderojmë dhe vlerësojmë sakrificat e mjekëve dhe infermierëve tanë që përballen çdo orë me rrezikun dhe sfidat e vështira të shpëtimit të jetëve nga pandemia e COVID-19”, shkruan Basha në Facebook.

Shpërndaje në rrjete sociale

Lajmet më të lexuara

Të ngjashme

Foto lajm