Kurti: Nesër do të shkoj në takim me Thaçin

21:36 | 31 Mars 2020
L G

Kryeministri në detyrë, Albin Kurti tha se do të shkojë nesër në takim me presidentin e Republikës së Kosovës, Hashim Thaçi.

“Këshilltarët e mi ligjorë, e kanë pasur për detyrë ta vlerësojnë ftesën e presidentit, dhe sugjerimi i tyre është që të shkoj në takim nesër, dhe unë do të shkoj si kryeministër në detyrë”, u shprehë Kurti në emisionin DESKU të KTV-së.

Ai, tha se presidenti i Kosovës, Hashim Thaçi, nuk është i kënaqur me kompetencat që i jep Kushtetuta e vendit dhe e ka ftuar atë që t’i bashkohet jetës politike partiake.

“Ai bëri thirrje që policët të mos respektojnë vendimin e qeverisë. Po megjithatë, të gjithë policët zbatuan vendimin e qeverisë dhe masat vazhduan në rregull pasi nuk mund të i bësh rezistencë vendimit të qeverisë’, tha Kurti.

 

Shpërndaje në rrjete sociale

Lajmet më të lexuara

Të ngjashme

Foto lajm