Google ADS

Tesla do ofrojë ventilatorë frymëmarrjeje falas për të gjitha spitalet e botës

21:25 | 31 Mars 2020
A. B.

Kompania prodhuese e makinave, ‘Tesla’, nën udhëheqjen e inxhinierit Elon Musk, do të ofrojë ventilatorë frymëmarrjeje falas për të gjithë spitalet e botës, për të trajtuar pacientët që marrin trajtim intensiv në tërë spitalet e botës.

Inxhinieri Musk ka bërë të ditur diçka të tillë nëpërmjet llogarisë së tij në Twitter, duke shtuar se transporti dhe doganimi i mjeteve mjekësore do jenë falas.

“Ne posedojmë ventilatorë shtesë të frymëmarrjes, të aprovuar nga FDA. Do t’i dërgojmë në spitalet e të gjithë botës nëpërmjet regjioneve që bëjnë dërgesa të pajisjeve Tesla. Pajisja dhe kostoja e transportit do jenë falas…”, ka thënë kreu i firmës teknologjike.

Musk kërkon që të gjithë ventilatorët të futen në shërbim mjekësor menjëherë, sapo të dorëzohen në spitalet përkatëse.

“Kërkesa e vetme është që ventilatorët të funksionalizohet menjëherë, e të mos ruhen në depo”, ka shtuar tutje ai.

Shpërndaje në rrjete sociale

Lajmet më të lexuara

Të ngjashme

Foto lajm