Kompania kosovare do t’ia paguajë vetë kompensimin punëtorëve

14:46 | 31 Mars 2020
Arbresh.info

Kompania Meka në Kosovë me drejtor Burim Piraj ka vendosur që subvencionin e pagave t’ua bëjë vetë punëtorëve.

Kjo pas vendimit të qeverisë për Pakon Emergjente, ku përfshihen disa kategori për kompensim, shkruan portali arbresh.info.

“E përshëndes vendimin e qeverisë për miratimin “Pakos fiskale emergjente” mirëpo unë si drejtor i MEKA shpk ( MEKA HALAL FOOD ) edhe pse i kam 20 punëtorë në kategorinë e subvencionimit të pagave edhe pse punëtorët tanë e kanë pagën minimale 350 EURO e mesatarja diku afër 500 EURO, kam vendos që këto para të cilat punëtorëve tanë iu takojnë nga kjo pako, t’i paguaj nga buxheti personal në shenjë solidariteti me vendin tonë në këtë situatë jo të favorshme!”, thuhet në njoftimin e Piraj.

Kjo kompani ishte ndër të parat që miratoi pagën minimale prej 350 eurove, si dhe pagesën e sigurimit të shëndetit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm