Së shpejti pritet kategorizimi i përfituesve të Pakos Emergjente, a po përfshihen mediat

14:01 | 31 Mars 2020
Arbresh.info

Ani pse të hënën ishin drejtuar disa kërkesa drejt Qeverisë së Kosovës që edhe gazetarët të përfshihen në Pakon Emergjente Fiskale një gjë e tillë nuk ka ndodhur.

Në këtë pako të miratuar mbrëmjen e së hënës nuk gjenden gazetarët të cilët gjithashtu ndodhen në frontin e parë me virusin korona, duke njoftuar në kohë reale çdo gjë, shkruan arbresh.info.

Arbresh.info, ka pyetur Ministrinë e Financave dhe Transfereve, se a do te futen mediat në ndonjë kategori, duke e parë se edhe gazetarët po e bëjnë punën e tyre duke e informuar publikun për raste.

Në përgjigjen e kësaj ministrie thuhet se udhëzimet janë duke u përgatitur se kush do të përfitojë e kush jo.

“Janë duke u përgatitur udhëzimet se kush do të përfitoj si dhe ku do të bëhet kërkesa. Besoj se së shpejti do ju lajmërojmë”, thuhet në përgjigjen e kësaj ministrie.

Ndërkohë në Kosovë janë konfirmuar gjithsej 108 raste me Covid-19, ku tashmë disa qytete kanë infektime të regjistruara./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm