849 vdekje brenda 24 orëve në Spanjë

12:33 | 31 Mars 2020
Arbresh.info

Numri i të infektuar me Covid-19 në Spanjë ka shkuar në 94,417, gjersa mëngjesin e së martës numri i të vdekurve është shënuar 849.

Kjo sipas Ministrisë Spanjolle të Shëndetësisë e ka çuar totalin e të vdekurve nga virusi në 8,189, transmeton portali arbresh.info.

Rritja e numrit të vdekjeve ishte totali më i lartë një ditor në vend që prej fillimit të shpërthimit. Megjithatë, përkundër kësaj, ajo ende shënoi një rritje pak më të ulët në terma të përqindjes sesa ditët e kaluara.

Shefi spanjoll i emergjencës Fernando Simon rezultoi pozitiv për koronavirus dhe është zëvendësja e tij Maria Jose Sierra e cila konfirmoi që të paktën 12,298 punonjës shëndetësorë janë infektuar me Covid-19 deri tani, duke llogaritur rreth 14 për qind të totalit të infeksioneve në vend.

Ndërkohë, të paktën 20,000 njerëz janë shëruar nga infeksioni që ka shkatërruar sistemin e kujdesit shëndetësor të vendit, në atë që është akoma shpërthimi i dytë më i keq në Evropë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm