Nuk respektoi orën policore, padi penale për 28-vjeçarin nga Dibra

11:18 | 31 Mars 2020
Arbresh.info

Sektori për punë të brendshme në Dibër parashtroi padi penale ndaj një dibrani për mosrespektim të masës për lëvizje të kufizuar.

“Është parashtruar padi penale ndaj B.K. (28) nga Dibra, për shkak të dyshimit të bazuar për vepër të kryer penale ‘mosveprim sipas rregullave shëndetësore gjatë pandemisë’”, deklaroi Stean Dimoski, zëdhënës i Sektorit për punë të brendshme në Ohër.

Ai shton se B.K. më datë 29 të këtij muaji në orën 18:00, gjatë kontrollit për zbatim konsekuent të masave për lëvizje të kufizuar gjatë orës policore për shkak të mbrojtjes së qytetarëve nga përhapja e koronavirusit, nëpunësit policorë e kanë hasur të paraqiturin në rrugën “8 Shtatori” në Dibër.

 

Shpërndaje në rrjete sociale

Lajmet më të lexuara

Të ngjashme

Foto lajm