Ministria e Punëve të Jashtme informon se në bashkëpunim me Sekretariatin e Përgjithshëm të Qeverisë dhe Ministrinë e Shëndetësisë, sonte është organizuar kthimi në vend i 169 shtetasve të Maqedonisë së Veriut nga Zagrebi.
Paraprakisht, në orët e pasdites ishte organizuar fluturim për 118 shtetas nga Valeta, Maltë.
“Riatdhesimi është organizuar me fluturime të transportuesit ajror Vi Er, i cili për këtë dy destinacione në thirrjen publike nga Qeveria e Republikë së Maqedonisë së Veriut, ofroi çmim më të ulët të biletave. Qytetarët janë të obliguar vetë t’i mbulojnë shpenzimet për transport, derisa karantina e detyrueshme 15 ditore që ishte njëra ndër kushtet për riatdhesimin e tyre, është në barrë të shtetit”, theksohet në kumtesën e MPJ-së.
Nga MPJ-ja, gjithashtu, informojnë se duke në parimet e solidaritetit dhe frymës së bashkëpunimit të mirë rajonal, në këto fluturime janë transportuar edhe nëntë shtetas të huaj, nga katër nga Kroacia dhe Mali i Zi dhe një nga Kosova.
Ministria e Punëve të Jashtme u shpreh falënderim autoriteteve kompetente në Shqipëri, Kroaci, Itali, Kosovë/NATO, Serbi, Bosnjë e Hercegovinë dhe Maltë për bashkëpunim gjatë lëshimit të lejeve për fluturim dhe mbështetje të plotë në këto rrethana të vështira.
Nga MPJ-ja theksojnë se vazhdojnë me përpjekjet për ndihmë gjatë kthimit në vend të qytetarëve të Maqedonisë së Veriut të hasur pa qëndrim të rregulluar në vendet e huaja./telegrafi
Ngritet aktakuzë ndaj 16 personave për krim të organizuar
Trepça sonte kërkon fitoren e parë në Fiba Europe Cup
Osmani përmbyll vizitën në New York
Sot varrosen dy të rinjtë që humbën jetën nga aksidenti trag...
Champions League vazhdon edhe sonte, kryendeshja në Spanjë
Obama befason turmën në mitingun e Harris, bën rap me këngën...