Google ADS

Limaj ka një apel për qeverinë në detyrë të Kosovës

19:36 | 27 Mars 2020
Arbresh.info

Kryetari i Nismës Socialdemokrate, Fatmir Limaj, i ka bërë apel qeverisë në detyrë të Kosovës që për sa kohë që Gjykata Kushtetuese nuk ka dhënë qëndrim për vendimin e diskutueshëm të qeverisë për kufizimin e lëvizjeve, të ndryshojë orarin e lëvizjes për qytetarë.

Lideri i Nismës ka thënë se njerëzit nuk po mund ta mbajnë distancën sociale, dhe ka grumbullime të njerëzve për të kryer nevojat e veta, dhe kështu po rrezikohet infektimi i më shumë njerëzve nga koronavirusi.

“I bëj apel Qeverisë së Kosovës  në detyrë që për sa kohë që Gjykata Kushtetuese nuk ka dhënë qëndrim për vendimin e diskutueshëm të Qeverisë për kufzimin e lëvizjeve, ta ndryshojë orarin e lëvizjes për qytetarët”, ka shkruar Limaj në Facebook.

“Jemi dëshmitarë që njerëzit nuk po mund ta mbajnë distancën sociale, dhe ka grumbullime të njerëzve për t’i kryer nevojat e tyre dhe kështu po rrezikojmë infektimin e më shumë njerëzve”, është shprehur ai.

 

Shpërndaje në rrjete sociale

Lajmet më të lexuara

Të ngjashme

Foto lajm