Në videon e mëposhtme shfaqen mushkëritë e një burri që para pak ditësh, s’kishte asnjë simptomë.
Tani, pacienti ka Covid-19 dhe mushkëritë s’janë më funksionale,” tha Dr. Keith Mortman, kreu i kirurgjisë torakale në George Washington University Hospital. Së fundi, spitali publikoi një video 3D të mushkërive të pacientit në fjalë.
Imazhet tregojnë dëmin në mushkëritë e një burri 59-vjeçar të shëndetshëm që vuante nga tensioni i lartë i gjakut, tha Mortman. Që kur u sëmur rëndë, pacienti ka nevojë për ventilator që të marrë frymë, por nuk mjafton as maksimumi i kapacitetit. Pacienti ka gjithashtu nevojë për një makineri tjetër që qarkullon dhe oksigjeonon gjakun, shtoi Mortman.
“Nuk bëhet fjalë për një 70, 80-vjeçar me sistem imunitar të dobët,” tha Mortman. “Përveç tensionit të lartë, s’kishte asnjë problem shëndetësor. Ky burrë po shihte punën e tij kur u infektua. Nëse do të përsërisnim imazherinë 360VR pas një jave, infeksioni dhe inflamacioni do të ishte më keq.”
Zonat e verdha në video përfaqësojnë pjesët e infektuara dhe të inflamuara të mushkërisë, tha Mortman. Kur mushkëritë hasen me një infeksion viral, organi nis të bllokojë virusin. Nga skaneri, është e qartë që dëmi nuk është izoluar në një zonë të vetme, por mbulon hapësira të mëdha në të dy mushkëritë. Kjo tregon sa shpejt dhe sa agresivisht përhapet infeksioni, edhe te pacientët e rinj. Një pacient me mushkëri të shëndetshme s’do të kishte zona të verdha në skaner, tha ai.
Pacienti është ende në gjendje të rëndë shëndetësore.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite