Tre nga të prekurit me koronavirus janë nga Prishtina

18:48 | 25 Mars 2020
Arbresh.info

Këtë orë të mbrëmjes Instituti Kombëtar i Shëndetësisë Publike ka njoftuar për tetë raste të reja.

Katër prej tyre janë nga fshati Domanek në Malishevë, tre me vendbanim në Prishtinë dhe një në Studime të Ulët të Vushtrrisë, shkruan portali arbresh.info.

Tani numri i të prekurve në Kosovë ka shkuar në 71, me një viktimë dhe ende asnjë të shëruar.

Nga data 08.02.2020 deri me 25.03.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 766 mostra të dyshimta në virusin SARS-CoV-2 dhe prej tyre, gjithsej shtatëdhjetë e një (71) raste kanë rezultuar pozitive, me një (1) rast të vdekjes i një të moshuari 82 vjeç.

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke iu obliguar për vetëizolim dhe të kërkojnë ndihmë mjekësore nëse kanë simptome./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm