Ish-sulmuesi i Interit, Diego Milito ka thënë se është i lumtur që e sheh Lautaro Martinez në top formë dhe e ka cilësuar Jose Mourinhon si një ndër trajnerët më të mirë në histori të futbollit.
Militao punoi nën urdhrat e Mourinhos vetëm për një sezon, sezon në të cilin arriti të fitojë tripletën me “Neurazurët”, transmeton portali arbresh.info.
Në një intervistë për ESPN, Milito ka thënë se tekniku portugez është fenomenal.
“Është fenomenal, një ndër trajnerët më të mirë në histori. Kam mësuar shumë prej tij brenda një viti”.
“Para finales së Ligës së Kampionëve ishte qetësi dhe kishte tension në dhomën e zhveshjes, por Mourinho na qetësoi të gjithëve”, filloi ai.
Ndërsa për Lautaro Martinez ka thënë se është i lumtur me punën që është duke e bërë lojtari.
“E pyes si është duke kaluar këto ditë, kemi lidhje të mirë. E pashë duke u rritur, u stërvit me ne te Racing në ekipin e parë në vitin 2014”.
“Me bën të lumtur ta shohësh duke u rritur vazhdimisht. Është lider i madh, produkt i sistemit tonë, si Rodrigo de Paul dhe Juan Musso”, deklaroi ai.
Lautaro Martinez mbetet i lidhur me kalimin te Barcelona në verë./arbresh.info.
6 të vdekur dhe disa të zhdukur nga përmbytjet dhe rrëshqitj...
Java e parë e vjeshtës, ky është parashikimi i motit në Shqi...
Fillon sot qarkullimin autobusi rozë në kuadër të fushatës k...
Mblidhet sot Kryesia e Kuvendit
Vazhdon procesi gjyqësor ndaj ish-krerëve të UÇK-së
Moti sot me diell dhe vranësira