19 korrespondentë të televizioni shtetëror iranian infektohen me COVID-19

00:34 | 24 Mars 2020
Trina Galanxhi

Transmetuesi i Republikës Islamike të Iranit (IRIB) ka konfirmuar se 19 korrespondentë të saj janë testuar pozitivë ndaj koronavirusit të ri (COVID-19), transmeton Anadolu Agency (AA).

“Para se kolegët e mi të zbusin lodhjen e zgjedhjeve të përgjithshme, ata përfunduan në vijën e parë të frontit për informimin rreth koronavirusit. Ata kanë punuar në vende të rrezikshme shumë herë”, shkroi në twitter Mehrdad Seyed Mehdi, kreu i televizionit shtetëror iranian.

Mehdi u uroi korrespondentëve të prekur nga koronavirusi një shërim të shpejtë.

Nga koronavirusi në Iran janë raportuar mbi 1.800 vdekje dhe mbi 23 mijë raste të konfirmuara.

Ndërkohë, bazuar në shifrat e Universitetit John Hokins në Maryland, numri global i vdekjeve është mbi 16 mijë, me mbi 372 mijë raste të konfirmuara.

Koronavirusi, i njohur zyrtarisht si COVID-19, për herë të parë u shfaq në Wuhan të Kinës dhjetorin e kaluar dhe aktualisht është përhapur në të paktën 167 vende dhe rajone në mbarë globin.

Shpërndaje në rrjete sociale

Lajmet më të lexuara

Të ngjashme

Foto lajm