Barcelona përgatitet të sakrifikojë Griezmann për Martinez

21:05 | 22 Mars 2020
Arbresh Info

Barcelona e ka nxjerrë në shitje sulmuesin, Antoine Griezmann për 100 milionë euro vetëm që në verë ta transferojë yllin e Inter, Lautaro Martinez.

Francezi u transferua në “Camp Nou” verën e kaluar për 120 milionë euro nga Atletico Madrid, por ka dështuar të gjejë formën e duhur, andaj Barcelona nuk e do në skuadër.

Sipas Diario AS, arsyeja kryesore pse Griezmann është në merkato është Martinez, i cili mbetet i lidhur me kalimin te Barcelona, por Inter e ka bërë të qartë se do ta shesin vetëm nëse paguhet klauzolën e 111 milionë eurove.

Dhe mënyra e vetme për të arritur këtë gjë është të shesin Griezmann për se paku 100 milionë euro.

Ka spekulime se Griezmann mund të shkëmbehet me Neymarin, ndërsa thuhet se për shërbimet e fituesit të Kupës së Botës janë të interesuar United, Chelsea dhe Arsenal./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm