Google ADS

45 personat që kishin kontakt me italianen në Klinë, rezultojnë negativ pas testit për COVID-19

12:37 | 22 Mars 2020
L G

45 persona kanë rezultuar të jenë negativ, pas dyshimit se mund të jenë infektuar me koroanvirus, apo COVID-19, pas kontaktit që kishin pasur me italianen 20 vjeçare , e cila kishte rezultuar pozitive dhe që kishte ndihmuar në Caritas në fshatin Leskoc.

Burime të arbresh.info kanë bërë të ditur se  ata 45 persona janë testuar dje dhe sot kanë dalë rezultatet e tyre, të cilat janë negative.

“Ata 45 persona janë testuar dje, dhe sipas Institutit të Shëndetit Publik që të gjithë kanë dal negativ. Kjo pritet të bëhet publike shumë shpejt  nga Instituti i Shëndetësisë Publike”, ka bërë të ditur ky burim.

Ndryshe, Komuna e Klinës ishte komuna e dytë pas Vitisë, e cila ishte vendosur në karantinë pasi u  identifikua një shtetase italiane që punonte në fshatin Leskoc për Caritasin , e cila rezultori të jetë me koronavirus.

Pas këtij rasti disa banorë të fshatit në fjalë që kishin kontakte direkte apo indirekte me shtetasen italianen ishin vetizoluar./arbresh.info

 

Shpërndaje në rrjete sociale

Lajmet më të lexuara

Të ngjashme

Foto lajm