Ramos vendos t’i sfidojë ligjet e Real Madridit për kontratën e re

14:27 | 21 Mars 2020
Arbresh.info

Sergio Ramos është i gatshëm që të vazhdojë kontratën me Real Madridi edhe për së paku tri vite.

Mbrojtësi spanjoll e di se do të jetë e vështirë për të që të marrë një kontratë mbi dy ose tri vite, por që do të bëjë më të mirën.

Kapiteni është në dijeni se rregullorja e Los Blancos nuk lejon vazhdimin e kontratës së lojtarëve mbi 30 vjeç për më shumë se 12 muaj.

Marca raporton se Ramos është në dijeni për këtë gjë, mirëpo do të tentojë të bëjë përjashtim në rregullat e tyre.

Vazhdim i kontratës për 12 muaj i ishte ofruar edhe mbrojtësit portugez Pepe që refuzoi dhe më pas kaloi te Porto.

Ramos i mbushë 34 vite në fund të muajit mars dhe shpreson që kontributi i tij në klub ta thyejë këtë rregull, mirëpo mund të pajtohet edhe me një vit kontratë që do të mbante atë në Santiago Bernabeu deri në vitin 2022.

 

Shpërndaje në rrjete sociale

Lajmet më të lexuara

Të ngjashme

Foto lajm