Konviktet shndërrohen në karantinë, drejtori i QS-së thotë se gjërat e studentëve do të jenë të sigurta  

18:06 | 18 Mars 2020
Arbresh.info

Qeveria e Kosovës ka marrë vendim që Qendra e Studentëve të bëhet karantinë.

Këtë e ka konfirmuar edhe Drejtori i Qendrës, Fatmir Sfishta, për arbresh.info

Ai ka thënë se gjithë personat e prekur nga kjo epidemi do të karantinohen në konvikte.

“Po, është e vërtetë e kemi marrë sot pasdite një vendim nga Qeveria e Kosovës për shndërrimin e Qendrës së Studentëve dhe konvikteve në karantinë për pacientët potencialisht të prekur nga kjo epidemi”, ka thënë Sfishta.

Por, në këto konvikte kanë mbetur edhe shumë gjëra të studentëve.

E për këtë Sfishta thotë se ato janë të izoluara në vende të sigurta dhe se studentët do t’i marrin ato ashtu siç i kanë lënë

“Gjërat e studentëve janë të sigurta, janë të izoluara dhe nuk ka nevojë të brengosen askush, sepse si I kanë lënë ashtu do t’i gjejnë dhe do t’i marrin pasi që të përfundojë tërë kjo situatë”, ka thënë Sfishta./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm