Rita Ora lut fansat të rrinë në shtëpi, thotë “Të dua!” në shqip

00:22 | 17 Mars 2020
Trina Galanxhi

Në kohën kur të gjithë po përballemi me virusin vdekjeprurës COVID-19, nuk mungojnë as video-mesazhet inkurajuese nga artistët që jetojnë dhe veprojnë jashtë trojeve shqiptare.

Një mesazh së fundmi për shqiptarët e ka dërguar edhe këngëtarja me famë internacionale, Rita Ora.

Video-mesazhin e saj e ka shpërndarë në llogarinë zyrtare, Instagram, kryetari i Bashkisë së Tiranës, Erion Veliaj.

“Rrini në shtëpi, lani duart e mos kini frikë – një mesazh i thjeshtë nga Rita Ora për të gjithë në betejën mjekësore dhe mendore ndaj Coronavirus, COVID19”, ka thënë ajo.

Të njëjtin po ashtu e ka ndarë në Instagram edhe vet ylli 29-vjeçar, aty ku ndiqet nga hiç më pak se 16.1 milionë njerëz.

Siç u raportua, tanimë ka shkuar në 51 numri i të prekurve me coronavirus në Shqipëri, prej tyre 1 mjek dhe 3 infermierë.

Ndërsa në Kosovë, 15 persona deri më tani janë diagnostikuar me virusin COVID-19.

https://www.instagram.com/p/B9zxykLltew/?utm_source=ig_embed

Shpërndaje në rrjete sociale

Lajmet më të lexuara

Të ngjashme

Foto lajm