Google ADS

Gjermani, ndalohen aktivitetet publike, shkak koronavirusi

23:32 | 14 Mars 2020
Arditë Shkodra

Kryeqyteti gjerman, Berlini, filloi sot ndalimin e të gjitha ngjarjeve publike dhe private me më shumë se 50 persona, në përpjekje për të frenuar përhapjen e koronavirusit.

Autoritetet e qytetit kanë mbyllur të gjitha kinematë, teatrot, sallat e koncerteve dhe mjediset sportive, përfshirë palestrat dhe studiot e fitnesit, së bashku me lokalet, kazinotë dhe klubet, deri të paktën më 19 prill.

Restorantet e Berlinit do të qëndrojnë të hapura, nëse klientët janë në gjendje të mbajnë një largësi prej 1,5 metra nga njëri-tjetri.

Pacientët në spital nuk do të lejohen të kenë vizitorë, me përjashtim të fëmijëve nën 16 vjeç dhe të sëmurëve rëndë.

Të moshuarit, banorë të azileve, nuk do të kenë vizitorë nën moshën 16 vjeç.

Shpërndaje në rrjete sociale

Lajmet më të lexuara

Të ngjashme

Foto lajm