Google ADS

Mbahet takim koordinues për të menaxhuar situatën emergjente rreth koronavirusit

15:29 | 14 Mars 2020
Arbresh.info

Zëvendëskryeministri i parë në Qeverinë e Kosovës, Avdullah Hoti, së bashku me zëvendëskryeministrin Haki Abazi dhe ministren Rozeta Hajdari, kanë mbajtur takim koordinues me Odat Ekonomike në Kosovë, Odën Amerikane, Odën e Afarizmit, Klubin e Prodhuesve, Guvernatorin e BQK-së, si dhe drejtorin e KEDS-it, për koordinim më të mirë për të menaxhuar situatën emergjente rreth koronavirusit.

Objektivi kryesor i këtij takimi ishte që të diskutohen çështjet si:

· Furnizimi i qytetarëve me produkte të nevojshme ushqimore dhe farmaceutike;

· Informimi i duhur që të evitohet paniku te qytetarët;

· Mbrojtja e sektorëve ekonomikë dhe operatorëve që furnizojnë me produkte ushqimore dhe me lëndë të parë;

· Çështjet e transportit që furnizojnë Kosovën me produkte ushqimore dhe farmaceutike;

· Çështjet e furnizimit me energji elektrike;

· Plani operativ i BQK-së që të mbështesin operatorët ekonomikë si dhe të ruhet likuiditeti në vend.

Shpërndaje në rrjete sociale

Lajmet më të lexuara

Të ngjashme

Foto lajm