Ramadani: Mos të vijnë qytetarët në Infektive që nuk kanë shenja të koronavirusit

12:23 | 14 Mars 2020
Arbresh.info

Drejtori i Institutit Kombëtar të Shëndetit Publik ka bërë të ditur se ka pasur kërkesa të mëdha për testime.

Naser Ramadani tha se kishte persona që as pa simptoma klinike të COVID-19 ishin paraqitur në Klinikën Infektime për testim për shkak të panikut, raporton portali arbresh.info.

“Kemi pasur kërkesa të njerëzve për tu testuar edhe pse një pjesë prej tyre kanë qenë të shqetësuar dhe nuk kanë pasur shenja klinike të sëmundjes, ne për hir të situatës së djeshme i kemi testuar të gjithë ata persona të cilët kanë shprehur dëshirën”, deklaroi ai.

“Mos të vijnë të paraqiten në Klinikën Infektive nëse nuk ka shenja të dyshimta në koronavirus, siç janë temperaturë, kollë e thatë, vështirësi në frymëmarrje”, tha Ramadani./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm