Nga partia opozitare OBRM-PDUKM deklarojnë se shëndeti i qytetarëve duhet të jetë mbi të gjitha.

“Coronavirus është një kërcënim serioz për jetën dhe shëndetin e qytetarëve të Republikës së Maqedonisë. Qeveria e drejtuar nga LSDM duhet të kuptojë seriozitetin e situatës dhe, në përputhje me të, në kohë dhe me masa konkrete të punojë për të parandaluar përhapjen e pandemisë në vendin tonë. Vetëm disa ditë përpara se qeveria të merrte masat e para konkrete për të parandaluar përhapjen e virusit, të njëjtat masa të OBRM-PDUKM i paraqiti publikisht dhe u ofruan si masa për të luftuar coronavirusin.

OBRM-PDUKM do të vazhdojë të jetë konstruktive dhe me të gjitha kapacitetet e tij në dispozicion të shtetit”, thuhet në deklaratën e kësaj partie.

Nga atje shtojnë se u bëjmë thirrje autoriteteve që të blejnë urgjentisht sasi më të mëdha të mjeteve antiseptik, maska mbrojtëse dhe doreza që do të jepen falas për qytetarët, dhe që pajisjet e tilla mbrojtëse duhet të jenë gjithashtu në dispozicion të punonjësve të transportit publik, punëtorëve të ndërtimit dhe sportelet.

“Në kohë krize, shteti nuk duhet të lejojë që kompanitë të përfitojnë në kurrizin e qytetarëve, autoritetet duhet të ushtrojnë një kontroll të rreptë mbi punën e shitësve me shumicë duke pasur parasysh ankesat e qytetarëve për çmimet jashtëzakonisht të larta të maskave mbrojtëse dhe dezinfektuesve”, thonë nga OBRM-PDUKM./Telegrafi/