Migrantëve që po jetojnë në kampe të mbipopulluara në ishujt grekë do t’u ofrohen 2 mijë euro për t’u kthyer vullnetarisht në vendet e tyre.
Kjo është duke u bërë përmes ndihmës financiare që Bashkimi Europian dhe Greqia ka rënë dakord për të dhënë për migrantët me qëllim inkurajimin e tyre për t’u kthyer në vendet e tyre, transmeton portal arbresh.info
“Ne kemi rënë dakord për një program të përkohshëm të kthimit vullnetar për një periudhë brenda një muaji”, tha Ylva Johansson, komisionere për punët e brendshme.
LEXO EDHE: Rrihen e zhvishen refugjatët nga autoritetet greke
Sipas saj, programi ka për qëllim që të japë një shtesë prej 2 mijë euro, e cila do të ndihmojë të riintegrojë ata në vendin e origjinës.
Më shumë se 37 mijë njerëz po jetojnë në kampe të mbipopulluara në pesë ishujt grekë, pasi konsiderohen si portat kryesore për të hyrë në vendet tjera të BE-së.
Shtatë vendet anëtare të Bashkimit Evropian kanë njoftuar tashmë mundësinë e strehimit të të paktën 1.600 fëmijëve migrantë që jetojnë në Greqi.
Këto kthime vullnetare do të kryhen me ndihmën e Organizatës Ndërkombëtare për Migracionin (IOM) dhe agjencisë evropiane të kontrollit të kufijve, Frontex.
Programi nuk vlen për azilkërkuesit të cilët kohët e fundit mbërritën në Greqi, pasi Turqia njoftoi se do të hapte dyert për migrantët që do të hynin në Europë./arbresh.info/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite