Sot në Ministrinë e Punëve të Jashtme të Republikës së Maqedonisë së Veriut u mbajt një konferencë me përfaqësues të Misioneve Diplomatike-Konsullore dhe Misioneve të organizatave ndërkombëtare të akredituara në dhe për Republikën e Maqedonisë së Veriut, ku shkëmbyen informacione për gjendjen me coronavirusin COVID-19.
Folësit iu drejtuan bashkërisht nga Ministri i Jashtëm, Nikolla Dimitrov dhe Ministri i Shëndetësisë Venko Filipçe, duke iu referuar masave parandaluese në përputhje me udhëzimet dhe rekomandimet e Qeverisë së Republikës së Maqedonisë së Veriut në lidhje me coronavirusin.
“Ministri Nikolla Dimitrov informoi përfaqësuesit e huaj në vend për vendimet e marra nga Qeveria e Maqedonisë së Veriut, të cilat gjithashtu vlejnë për shtetasit e huaj që kanë qëndrim të përhershëm ose të përkohshëm në Maqedoninë e Veriut, si dhe ata që planifikojnë një udhëtim në vend në periudhën e ardhshme.
Ai gjithashtu theksoi se Ministria e Punëve të Jashtme mbetet në dispozicion si pika kryesore e kontaktit për të gjitha misionet e huaja në vend, me qëllim që t’u sigurojë atyre informacione në kohë dhe të saktë mbi situatën në zhvillim në kontekstin e COVID-19”, thuhet në deklaratën e MPJ-së së Maqedonisë së Veriut.
“Ik se po të mbys shpulla” – Eskalon debati në kërcënime mes...
Agani premton “dy vite pushim të lehonisë” për gratë e punës...
Shkup: Gjendet i vdekur një shtetas turk
Qasja e LDK-së ndaj ujdisë së Ohrit, Haziri: Marrëveshje të ...
Parlamenti i BE-së miraton një kredi rreth 38 miliardë dolla...
“Nuk flas me pijanece unë”, Mevlani shokon me deklaratë