Rritet në 10 numri i të vdekurve në Britani nga koronavirusi

16:22 | 12 Mars 2020
Arbresh.info

Dy persona të tjerë kanë vdekur pasi testuan pozitivë për koronavirus, duke e çuar numrin e të vdekurve në Mbretërinë e Bashkuar në 10-të.

Tani ka 596 raste të konfirmuara në Mbretërinë e Bashkuar, nga 456 të mërkurën – me 491 në Angli, 60 në Skoci, 20 në Irlandën Veriore dhe 25 në Uells, transmeton portali arbresh.info.

Kjo vjen ndërsa qeveria pritet të njoftojë brenda disa orësh se po rrit përgjigjen e saj të koronavirusit.

Parashikohet që Mbretëria e Bashkuar të kalojë në taktikat që synojnë vonimin e përhapjes së saj, në vend se ta përmbajnë atë.

Dy vdekjet e fundit ishin një 89-vjeçare në Spitalin Charing Cross në Londër dhe një grua në të 60-at në Spitalin e Queen’s në Romford, tha NHS England. Të dy kishin kushte themelore shëndetësore.

Që nga ora 09:00 GMT, gjithsej 29.764 njerëz ishin testuar për virusin në Mbretërinë e Bashkuar.

Rritja e rasteve të konfirmuara – prej 140 – është hera e parë që rritja ditore ka qenë më shumë se 100./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm