Zëvendëskryeministri i Republikës së Kosovës, Haki Abazi ka pritur në takim ambasadorin e Italisë në Kosovë, Nicola Orlando, ndërsa biseduan për masat kundër coronavirusit.
Në këtë takim po ashtu u diskutuan në detaje masat, që ka marrë shteti italian në lidhje me situatën e krijuar nga koronavirusi.
Ambasadori italian Orlando shprehu gatishmërinë për të qenë në kontakt të vazhdueshëm dhe ndarë përvojat e shtetit italian në preventivën dhe masat e tjera parandaluese, por edhe veprimeve konkrete të ndërmarra nga institucionet për minimizimin e përhapjes së tij, në rast të paraqitjes së këtij virusi në Kosovë.
Ai tha se situata në Itali është shumë serioze dhe praktikisht, Qeveria italiane ka shpallur gjendjen e jashtëzakonshme, duke kërkuar që qytetarët të qëndrojnë në shtëpitë e tyre dhe të pezullohen të gjitha aktivitetet e tjera përveç shërbimeve më themelore dhe urgjente.
Ambasadori Italian Orlando ka sugjeruar qe Kosova të jetë shumë vigjilente dhe e gatshme për t’u mobilizuar, për shkak se është e rrethuar nga vende të cilat tashmë janë prekur nga ky virus.
Numri i refugjatëve në Gjermani arrin 3.5 milionë
Vdes një i burgosur në Spitalin e Gjilanit, SHKK jep detaje
Gërvalla udhëton në Kanada, merr pjesë në takimin e ministre...
Përmbytjet në Itali, evakuohen 1500 persona
Balluku në takimin e ministrave të Transportit në Budapest: ...
Bellingham dhe Vinicius Jr marrin rritje të konsiderueshme p...