A do të shtyhen zgjedhjet në Podujevë për shkak të koronavirusit?

22:06 | 11 Mars 2020
Arbresh.info

Komisioni Qendror i Zgjedhjeve pritet të marrë vendim lidhur me shtyrjen e zgjedhjeve të jashtëzakonshme në Podujevë.

Kjo për shkak të masave të marra nga qeveria e Kosovës për parandalimin e koronavirusit, shkruan portali arbresh.info.

Se vendimi do të merret nesër e ka konfirmuar për arbresh.info zëdhënësi i KQZ-së, Valmir Elezi.

“Aktualisht nuk mund ta japim një përgjigje për këtë. Ne do të jemi gjatë ditës së nesërme në kontakt me institucionet e vendit, Presidentin dhe Qeverinë. Do t’iu mbajmë të informuar”, tha ai.

Ndërkohë kujtojmë se Kosova ende nuk ka asnjë rast të konfirmuar me këtë virus vdekjeprurës.

Organizata Botërore e Shëndetit ka shpallur koronavirusin pandemi globale./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm