Ministria e Arsimit, Shkencës, Teknologjisë dhe Inovacionit (MAShTI), ka ftuar sot në takim drejtorët e Drejtorive Komunale të Arsimit, ku është diskutuar rreth situatës epidemiologjike të Koronavirusit COVID 19 dhe masave parandaluese që duhet të ndërmerren në shkolla.
Me këtë rast, drejtorët e DKA-ve janë informuar nga ministrja Hykmete Bajrami, se në bazë të Planit të Veprimit të miratuar nga Qeveria e Kosovës, MAShTI ka hartuar një plan veprimi në sektorin e arsimit, i cili parasheh udhëzimet për marrjen e masave parandaluese në shkolla, bashkërendimin e veprimeve dhe komunikimin shkollë-DKA-MAShTI.
Ministrja Bajrami ka kërkuar nga DKA-të që të furnizojnë me material higjienik shkollat dhe të bëhet dezinfektimi i hapësirave shkollore.
Megjithatë, ministrja Bajrami ka theksuar se nuk ka hapësirë për panikë, por tha se ne duhet të marrim të gjitha masat parandaluese. Përderisa nuk ka asnjë rast të Koronavirusit në Kosovë, pra as rekomandim për ndërprerje të mësimit nga ana e IKShP dhe Ministrisë së Shëndetësisë, ministrja Bajrami iu bëri thirrje nxënësve, prindërve dhe mësimdhënësve që mësimi të zhvillohet normalisht, duke theksuar gjithmonë nevojën e higjienës së shtuar.
Në këtë takim ishte prezent edhe drejtori i IKShP-së, Naser Ramadani, i cili informoi drejtorët rreth situatës epidemiologjike me Koronavirus në botë dhe në Kosovë dhe theksoi se fatmirësisht Kosova nuk ka asnjë rast të konfirmuar./arbresh.info/
Biden: Arritja e armëpushimit në Gaza është ende real
Odegaard do të humb nëntë ndeshje pas lëndimit
Aliu: Kosova synon të lidhë rrjetin hekurudhor me atë evropi...
Osmani në Akademinë e famshme ushtarake amerikane West Point...
Kryeziu: Qeveria po punon për zhbllokimin e CEFTA-s
Kurti e akuzon Perëndimin se po e “përkëdhel” Serbinë