Edhe dy raste të reja me Koronavirus në Maqedoninë e Veriut

20:11 | 6 Mars 2020
Arditë Shkodra

Në Maqedoninë e Veriut janë regjistruar edhe dy raste të reja me koronavirus.

Ky informacion është i bërë i ditur në orët e pasdites nga Ministria e Shëndetësisë. Sipas njoftimit zyrtar, bëhet fjalë për një çift bashkëshortor nga Dibra që janë kthyer nga Italia disa ditë më parë.

Ministri i Shëndetësisë Venko Filipqe ka paralajmëruar një konferencë të jashtëzakonshme për mediat në orën 19:30 ku do të jepen detaje mbi paraqitjen e rasteve të reja me koronavirus.

Paraprakisht, qeveria ka pranuar rekomandimin e Ministrisë së Shëndetësisë për të ndaluar të gjitha tubimet dhe ngjarjet e mëdha publike, si dhe zhvillimin e ndeshjeve pa tifozë deri më 13 mars.

Shpërndaje në rrjete sociale

Lajmet më të lexuara

Të ngjashme

Foto lajm