Kryeministri i Republikës së Kosovës Albin Kurti, e ka emëruar Driton Talin, Këshilltar Politik për çështjen e koordinimit të SHERPA dhe zbatimit të Planit Shumëvjeçar të Veprimit për Zonën Ekonomike Rajonale për të cilën u ra dakord në Samitin e Triestes, korrik 2017.
Driton Tali sipas njoftimit të zyrës së kryeministrit, ka mbaruar studimet bachelor në vitin 1995, në Londër, drejtimin për Menaxhment dhe Financa, për të vazhduar në MBA (Financa) dhe DBA (Lidership), në Universitetin e Ëestministrit, gjegjësisht në Universitetin Hull.
Nga viti 1996 punësohet në bankën “Lloyds”, në Londër, në sektorin e investimeve, si analizues. Kurse nga viti 2000 deri më 2004 ishte i punësuar në firmën inevstuese “Prime”, në Londër, si analizues senior i investimeve. Tani udhëheq biznesin privat.
Ndryshe, Dritoni i ka dy libra universitar të botuara në vitin 2001 “Integrimi i Europës në UE” (e ribotuar me 2004 dhe 2007), dhe në vitin 2004 e ka të botuar librin “Ekonomia dhe Industria Financiare”.
Ishte deputet i Kuvendit të Republikës së Kosovës në legjislaturën e tretë (2007-2010). Gjatë asaj legjislature mbahet mend si deputeti më aktiv, i cili ishte i angazhuar sidomos në luftën kundër korrupsionit, por edhe aferave të tjera të rëndësisë primare për Republikën e Kosovës./arbresh.info
Raphael Varane pensionohet nga futbolli në moshën 31-vjeçare
Osmani takon presidentin e Mauritanisë, e falënderon për mbë...
Fillon Projekti për Përzgjedhjen e Mjekut Familjar në tërë t...
Trupa shtesë të Britanisë do të vendosen përkohësisht në Kos...
Franca premton 60 milionë euro në mbështetje të sektorit ene...
Vuçiq bisedon për Kosovën me presidentin e Iranit dhe shefin...