Plas ‘bomba’ te Tottenham, Kane mund të largohet në fund të sezonit

09:54 | 4 Mars 2020
Arbresh Info

Sulmuesi, Harry Kane është ylli tjetër që mund të largohet nga Tottenham në verën e ardhshme.

26-vjeçari momentalisht është i lënduar, ndërsa dëshira e tij mbetet pjesëmarrja në Ligën e Kampionëve, transmeton portali arbresh.info.

Sipas The Telegraph, Kane do të provojë të largohet nëse skuadra e tij nuk përmirësohet se shpejti dhe të përfundojë në top katër këtë sezon.

Pavarësisht që anglezi ka shënuar 181 gola në 278 paraqitje për Spurs, ende nuk ka fituar ndonjë trofe, ndërsa arritja më e madhe është finalja e Ligës së Kampionëve, në të cilën u mposhtën nga Liverpool.

Spurs synojnë të fitojnë ndonjë trofe këtë sezon pasi nuk kanë fituar që nga viti 2008, derisa mbesin në garë për FA Cup dhe Ligën e Kampionëve./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm