PSD ia përmend Konjufcës bashkëpunëtorët që kanë punuar me Hashim Thaçin

17:32 | 3 Mars 2020
Arbresh.info

Sekretari Organizativ i PSD-së, Nol Nushi ka reaguar pas shkarkimit të ambasadorëve nga ministri Glauk Konjufca, në veçanti të ambasadorës së Kosovës në ShBA.

Nushi ka shkruar se dy nga këshilltarët e ministrit të Punëve të Jashtme kanë punuar me Hashim Thaçin.

“Sabri Kiçmari si anëtar i PDK ka qenë ambasador për vite të tëra në kohën kur kjo parti ka qenë në pushtet, bile edhe dekretimin e ka marrë nga Presidenti Thaçi, poashtu Ilir Kërçeli shihet të ketë kaluar kohë miqësore me Hashim Thaçin në kohën kur VV ishte në luftë të hapur me të”, ka shkruar ai.

Tutje, Nushi ka thënë se është hipokrizi emërimi i Sabri Kiçmarit dhe Ilir Kërçelit e shkarkimi i Vlora Çitakut.

“Të emërosh Sabri Kiçmarin e Ilir Kërçelin, e të shkarkosh Vlorën është hipokrizi e gërditshme.

Për diskursin populist të VV-së, kur je me ta je i mirë, por kur nuk je me ta shkarkohesh”, ka shkruar Nushi në Facebook.

https://www.facebook.com/nol.nushi/posts/10156580481497047

Shpërndaje në rrjete sociale

Lajmet më të lexuara

Të ngjashme

Foto lajm