Google ADS

Thaçi: Sapo përfundova takimin me Vuçiqin në Shtëpinë e Bardhë, tani jam rrugës për në Kosovë

21:11 | 2 Mars 2020
L G

Presidenti i Republikës së Kosovës, Hashim Thaçi ka njoftuar se ka përfunduar  takimin me Presidentin e Serbisë, Aleksandër Vuçiq, në Shtëpinë e Bardhë, me ftesë të emisarit special për dialogun ndërmjet Kosovës dhe Serbisë, Richard Grenell, ku i pranishëm ishte edhe Këshilltari për Siguri Kombëtare, Robert O’Brien.

Thaçi përmes një postimi në faqen e tij zyrtare në Facebook ka shkruar se  Kosova është e bekuar me mbështetjen e Amerikës dhe Presidentit Trump.

“Tani jam rrugës për në Kosovë. Pres që menjëherë, të mërkurën apo të enjten, të më mundësohet raportimi në Kuvendin e Republikës së Kosovës, për t’i njoftuar deputetët dhe qytetarët e Kosovës për takimet në Uashington dhe më specifikisht për takimin e sotëm”, ka shkruar presidenti Thaçi.

Ai ka shtuar se duke qëndruar të bashkuara institucionet, partitë politike dhe qytetarët, Kosova do të jetë edhe më e fortë./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm