Google ADS

Ambasadori i Norvegjisë në Kosovë pritet nga Kurti, vendimet e deritanishme  të qeverisë i quan hapa pozitivë

17:14 | 2 Mars 2020
L G

Kryeministri Kurti priti në takim ambasadorin e Norvegjisë në Kosovë, z. Jens Erik Grondahl

Kryeministri i Republikës së Kosovës, Albin Kurti, priti në takim ambasadorin e Norvegjisë në Kosovë,  Jens Erik Grondahl.

Kryeministri Kurti shprehu mirënjohjen për bashkëpunimin e deritanishëm.

Ai e njoftoi ambasadorin për programin qeverisës, i cili shumë shpejt do t’ju paraqitet deputetëve për diskutim në Kuvendin e Republikës.

Kryeministri shprehu besimin se programi qeverisës do të votohet në Kuvend dhe do të shoqërohet më pas prej projekt-buxhetit për këtë vit.

Ambasadori Grondahl tha se e ka përcjellë me vëmendje punën e Qeverisë dhe se i ka parë vendimet e deritanishme si hapa pozitivë.

Ambasadori nënvizoi se e ka ndjekur deklaratën e Kryeministrit javën e shkuar. Ai tha se masa e Qeverisë për të zëvendësuar tarifën është një hap pozitiv.

Takimi u mbyll me premtimin e kontakteve të vazhdueshme./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm