Milani pritet t’i vazhdojë kontratën Ibrahimovicit

23:53 | 29 Shkurt 2020
Arbresh.info

Milani thuhet se është i gatshëm që t’i vazhdojë kontratën Zlatan Ibrahimovicit.

Rossonerët janë të kënaqur me formën e sulmuesit suedez dhe duan që ai të qëndrojë për së paku edhe një sezon në San Siro.

38-vjeçari u transferua në janar si lojtar i lirë te Milani, pasi kontrata e tij me La Galaxyn përfundoi më 31 dhjetor të viti të kaluar.

Tuttosport raporton se skuadra italiane është e lumtur me impaktin që ka bërë Ibra Kadabra në lojën e tyre dhe duan të vazhdojnë bashkëpunimin.

Në marrëveshjen e tyre aktuale është paraparë se nëse skuadra arrin të rikthehet në Ligën e Kampionëve, sulmuesi do të qëndrojë.

Nëse nuk ndodhë një gjë e tillë, Ibrahimovic mund të largohet, mirëpo duket se një gjë e tillë nuk do të ndodhë dhe ai do të vazhdojë qëndrimin te Milani.

Shpërndaje në rrjete sociale

Lajmet më të lexuara

Të ngjashme

Foto lajm