Mijëra njerëz protestuan në rrugët e Moskës të shtunën për t’i bërë thirrje presidentit Vladimir Putin të mos qëndrojë në pushtet pafundësisht.

Ishte demonstrimi i parë i madh nga opozita ruse qëkur Putin njoftoi planet e diskutueshme për të ndryshuar kushtetutën.

Tubimi shënoi pesë vjet nga vrasja e politikanit të opozitës Boris Nemtsov, por organizatorët e saj gjithashtu donin që protesta t’i dërgonte një mesazh Putinit.

Organizatorët, përfshirë liderin më të shquar të opozitës në vend, Alexei Navalny, kërkuan një pjesëmarrje masive për t’i treguar Putinit se ai nuk duhet të mendojë të qëndrojë në pushtet me asnjë mënyrë kur mandati i tij aktual të përfundojë në vitin 2024.

“Regjimi i Putinit është një kërcënim për njerëzimin”, tha slogani në një pllakë ngjitur me një portret të Nemtsov.

“Politikat e Putinit bazohen në gënjeshtra totale”, tha një tjetër, duke cituar politikanin liberal që ishte vrarë në 27 shkurt 2015, në Moskën qendrore.

“Rusia pa Putin!” turmat brohorisnin vazhdimisht ndërsa filluan të marshonin.

Putin, i cili ka dominuar Rusinë për dy dekada, në janar nisi një stuhi politike, duke propozuar një rregullim të kushtetutës, ndryshimet e para në ligjin themelor që nga viti 1993.

Analistët e shohin planin si fillim të përgatitjeve për sukses, kur përfundon mandati i katërt presidencial i Putinit në vitin 2024, ndërsa opozita thotë se ai dëshiron të mbetet lider për gjithë jetën.

Putin erdhi së pari në pushtet si kryeministër në vitin 1999 nën Boris Yeltsin para se të bëhej president në vitin 2000. Ai shërbeu maksimumin e dy mandeteve radhazi ndërmjet viteve 2000 dhe 2008 para një kohe katër vjeçare si kryeministër.

Ai u kthye në Kremlin në vitin 2012 për një mandat të ri gjashtë-vjeçar.

Kseniya Telmanova, 21-vjeç, studente, tha se Putin kishte qenë president për tërë jetën e saj, përveç muajve të parë. “Me siguri ato ishin muajt më të mirë të jetës sime”, tha ajo duke qeshur. “Udhëheqësit duhet të kenë frikë nga fakti se mund ta humbin fuqinë”.

Rusia po planifikon të mbajë një referendum mbi ndryshimet kushtetuese më 22 prill.