Kryeministri britanik Boris Johnson dhe e dashura e tij Carrie Symonds njoftuan se janë fejuar dhe në pritje të një fëmije, që pritet të vijë në jetë në fillim të verës.

Në Instagramin e saj këtë mbrëmje, Znj Symonds ndau një foto intime të saj dhe kryeministrit dhe shkroi: “Unë normalisht nuk do të postoja këtu diçka të tillë, por dëshiroja që miqtë e mi ta zbulonin nga unë”, shkruan DailyMail.

“Shumë prej jush tashmë e dinë, por për miqtë e mi që ende nuk e bëjnë këtë, ne u fejuam në fund të vitit të kaluar … dhe kemi një foshnje që pritet të vijë në jetë në fillim të verës”, shkroi ajo.

Kryeministri ka pesë fëmijë të konfirmuar, megjithatë ky do të jetë fëmija i parë i lindur nga partnerja e tij 31-vjeçare.

Z. Johnson kohët e fundit përfundoi divorcin e tij me ish-gruan Marina Wheeler, me të cilën ai ka dy vajza dhe dy djem.

Ndërsa ishte akoma i martuar, ai filloi të takojë këshilltaren e e kundërshtarit të tij, Tory, Znj Symonds, dhe çifti besohet se kanë qenë në lidhje për afro dy vjet.

Një zëdhënës i çiftit tha sonte: “Kryeministri dhe Znj Symonds janë shumë të lumtur që njoftuan fejesën e tyre dhe se ata po presin një fëmijë që do të vijë në jetë në fillim të verës”.

Zonja Symonds dhe Z. Johnson, të cilët jetojnë së bashku në Downing Street, kohët e fundit u kthyen nga një pushim luksoz në Karaibe.

Znj Symonds është partnerja e parë e pamartuar e një kryeministri në detyrë në Mbretërinë e Bashkuar.

Çifti zgjodhën të jetonin në një banesë të madhe me katër dhoma gjumi në Rrugën 11 në Downing Street, në vend të rezidencës zyrtare me dy dhoma gjumi po në Londër, në Rrugën Nr 10.