Presidenti i Republikës së Kosovës, Hashim Thaçi, ka takuar udhëheqësit e dy think-tankeve ndër më të rëndësishme në Uashington, me të cilët ka biseduar për nevojën që SHBA të mbajë rol udhëheqës në proceset në Kosovë dhe në rajonin e Ballkanit Perëndimor.
Në takimin e parë me James Carafano, nënkryetar i “The Heritage Foundation”, presidenti Thaçi u shpreh se Kosova aspiron anëtarësimin në NATO dhe në BE.
“Anëtarësimi i Kosovës në NATO dhe në BE do të thotë më pak ideologji anti-perëndimore në tërë Ballkanin Perëndimor”, u shpreh Thaçi dhe shtoi se për të ecur përpara Kosova po punon në arritjen e një marrëveshjeje të paqes me Serbinë për t’u liruar nga e kaluara dhe për të ecur përpara.
Ndërsa, në takimin me Jane Harman në “The Wilson Center”, presidenti Thaçi u shpreh se Kosova është shumë me fat që në Uashington gëzon mbështetje bi-partizane.
“Në përkrahjen për Kosovën, në Uashington, nuk ka dallime në mes partive, është me rëndësi që Shtetet e Bashkuara të Amerikës të shtyjnë përpara proceset e konsolidimit të Ballkanit Perëndimor”, ka deklaruar Thaçi.
Në të dy takimet, Thaçi u shpreh se storia e Kosovës është storie e përbashkët e Kosovës dhe e Shteteve të Bashkuara të Amerikës dhe shtoi se kjo storie ka nevojë për kapitullin e fundit që është marrëveshja finale e paqes me Serbinë dhe integrimi në NATO dhe në BE.
Presidenti Thaçi u shpreh se është krijuar një momentum i ri me angazhimin e drejtpërdrejtë të presidentit amerikan Donald Trump dhe nëpërmjet të dërguarit special, ambasadorit Grenell, dhe ftoi që të përkrahet dhe të shfrytëzohet ky momentum i krijuar për të sjellë paqe, stabilitet dhe zhvillim ekonomik në Kosovë dhe në tërë Ballkanin.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...