Google ADS

Karantina 14 ditore për coronavirus mund të jetë e padobishme, një kinez nisi të shfaqte simptoma pas 27 ditësh

13:02 | 23 Shkurt 2020
Arbresh.info

Pensionisti kinez që nisi të shfaqte simptoma të coronavirusit, 27 ditë pasi u infektua, ka bërë që të konsiderohet se karantina 14 ditore është e pa dobishme.

Raportohet se 70-vjeçari ishte infektuar në Hubei të Kinës, por megjithëse dyshohej se ishte i sëmurë, nuk arrinin ta diagnostikonin edhe pas dy javësh, transmeton Telegrafi.

Mësohet se ai është infektuar më 24 janar dhe ka shkuar të qëndronte te motra e tij, e cila gjithashtu është e sëmurë me coronavirus.

Kur temperatura iu ngrit më 20 shkurt, ai shkoi në kontroll, derisa të nesërmen u vërtetua për sëmundjen me të cilën është infektuar.

Në këtë formë, karantina prej 14 ditësh mund të konsiderohet e padobishme, pasi simptomat mund të mos dalin edhe pas afro katër javësh.

Deri më tani, coronavirusi i ka mbytur 2,458 persona, derisa 78,872 janë të infektuar në mbarë botën.

Shpërndaje në rrjete sociale

Lajmet më të lexuara

Të ngjashme

Foto lajm