Në orët e para të së shtunës në rrugën Garibaldi në Prishtinë ka ndodhur një tentim vrasje.

Policia e Kosovës ka njoftuar se një person është qëlluar me armë zjarri, shkruan arbresh.info.

Në raportin 24 orësh thuhet gjithashtu se në QKUK kanë kërkuar ndihmë dy persona të cilët pas një mosmarrëveshje janë sulmuar fizikisht nga disa të dyshuar meshkuj.

Një i dyshuar është arrestuar dhe i është konfiskuar një pistoletë dhe fishekë ndërsa të dyshuarit tjerë janë në arrati.

“Rr. Garibaldi, Prishtinë22.02.2020-03:36. Është raportuar e dy viktima meshkuj K/Shqiptar, kanë pranuar trajtim mjekësor në QKUK, pasi që të njëjtit pas një mosmarrëveshje janë sulmuar fizikisht nga disa të dyshuar meshkuj K/Shqiptar. Njëri prej tyre është qëlluar me armë zjarri nga i dyshuari mashkull K/Shqiptar, i cili është arrestuar dhe gjatë kontrollit i është gjetur dhe konfiskuar në pistoletë me  tre copë fishekë dhe dy gëzhoja ndërsa të dyshuarit tjerë gjenden në arrati. Me vendim të prokurorit i dyshuari pas intervistimit është dërguar në mbajtje. Rasti është duke u hetuar”, thuhet nw njoftimin e Policisw./arbresh.info/