Google ADS

Ukrainasit sulmojnë autobusët me të evakuuarit nga Kina

10:51 | 21 Shkurt 2020
Arbresh.info

Frika për përhapjen e koronavirusit ka shkaktuar dhunë në Ukrainë. Qindra protestues kanë sulmuar autobusët që transportonin personat e ardhur nga Kina të cilët dyshohen për koronavirus.

Demonstruesit në fshatin Novi Sanzhary në rajonin qendror të Poltava u përleshën edhe me policinë ku kanë djegur goma e kanë bllokuar rrugët e zonës. Autokolona të shumta policie shoqëronin autobusët që kishin brenda rreth 70 persona të evakuuar nga Kina dhe që do të mbyllen në një karantinë.

Në lidhje me këtë ngjarje të rëndë ka reaguar edhe Presidenti Volodymyr Zelensky i cili u bëri thirrje protestuesve të shfaqin ndjeshmërin e tyre dhe jo agresivitetin.

Shërbimi i sigurisë i Ukrainës (SBU) tha se një email i rremë ku pretendohej se ishte nga Ministria e Shëndetësisë thoshte se disa të evakuuar ishin të infektuar me koronavirus, shkruan BBC.

Shpërndaje në rrjete sociale

Lajmet më të lexuara

Të ngjashme

Foto lajm