Ministri Agim Veliu priti shefin e Misionit të FMN-së për Kosovë Gabriel Di Bella

17:43 | 20 Shkurt 2020
Arbresh.info

Ministri i Punëve të Brendshme dhe Administratës Publike, z.Agim Veliu, ka pritur në takim një delegacion të misionit të Fondit Monetar Ndërkombëtar, të kryesuar nga z. Gabriel Di Bella, Shef i Misionit për Kosovë në kuadër të Departamentit Evropian të FMN-së dhe znj. Stephanie Eble, Përfaqësuese Rezidente Rajonale për Ballkanin Perëndimor.

Në këtë takim njoftues, ministri Veliu e njoftoi për prioritetet e tij si ministër i MPBAP, duke përfshirë buxhetin, ngritjen e kapaciteteve të agjencive vartëse të Ministrisë si dhe sigurinë e përgjithshme në Kosovë.

Me këtë rast, ministri Veliu falënderoi delegacionin për përkrahjen e vazhdueshme që Fondi Monetar Ndërkombëtar i ka dhënë Kosovës dhe në veçanti MPBAP-së.

Ndërsa Shefi i Misionit për Kosovë z. Gabriel Di Bella, përgëzoi z.Veliu për emërimin e tij si ministër dhe shprehi vullnetin e tij për bashkëpunim në të ardhmen./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm