Haxhiu takohet me shefin e ri të EULEX-it, Wigemark, diskutojnë për rolin dhe mbështetjen që ofron ky mision

16:32 | 18 Shkurt 2020
Arbresh.info

Ministrja e Drejtësisë, Albulena Haxhiu ka pritur në takim shefin e ri të EULEX-it, z. Lars-Gunnar Wigemark, me të cilin ka biseduar për çështjet që ndërlidhen me sektorin e drejtësisë si dhe prioritetet gjatë mandatit të saj.

Gjatë këtij takimi Ministrja Haxhiu e ka uruar shefin e EULEX-it z. Wigemark për detyrën e re ndërsa kanë diskutuar edhe për rolin dhe mbështetjen që mund të ofroj ky mision në sundimin e rendit dhe ligjit në Kosovë.

Ministrja Haxhiu theksoi se shteti i së drejtës, sundimi i rendit dhe ligjit do të jetë prioritet gjatë mandatit të saj si Ministre e Drejtësisë dhe për këtë, bashkëpunimi me misionet ndërkombëtare është tejet i nevojshëm.

Nga ana e tij, z. Lars-Gunnar Wigemark, ka shprehur gatishmërinë në emër të misionit të cilin e drejton për të vazhduar bashkëpunimin me institucionet e Republikës së Kosovës, në veçanti Ministrinë e Drejtësisë, në rolin mbështetës në fushën e sundimit të ligjit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm