Apple ka paralajmëruar se nuk do të arrijë objektivat financiare për shkak të impaktit të koronavirusit në prodhim dhe shitje në Kinë.
Tremujori i dytë i firmës së teknologjisë përfundon në 30 Mars dhe priste që të ardhurat për këtë periudhë të ishin midis 63 miliardë dhe 67 miliardë dollarë, transmeton portali arbresh.info.
Por shpërthimi i COVID-19, emri mjekësor për sëmundjen e frymëmarrjes të shkaktuar nga koronavirusi, ka rezultuar në një ulje të prodhimit të iPhone.
Fabrikat e Apple janë të gjitha jashtë provincës Hubei, qendra e shpërthimit. Ata janë rihapur por prodhimi vetëm ngadalë po kthehet në normalitet.
“Shëndeti dhe mirëqenia e çdo personi që ndihmon në bërjen e mundur të këtyre produkteve është përparësia jonë kryesore, dhe ne po punojmë në konsultim të ngushtë me furnitorët tanë dhe ekspertët e shëndetit publik, pasi ky kërcënim vazhdon”, tha kompania.
Virusi ka prekur gjithashtu shitjet e iPhone në Kinë, që është tregu i tretë më i madh i shitjes me pakicë të Apple pas SHBA dhe Evropë./arbresh.info/
Kurti viziton sot DOKU.TECH
Franca me ndihmë për Libanin në vlerë prej 100 milionë euros...
Sot mbahet seanca për fjalën përfundimtare ndaj Bedri Krasni...
Kosova ngritet për tri pozicione në ranglistën e FIFA-s
Punëtorët e KEK-ut kërcënojnë: Nëse nuk plotësohen kërkesat ...
Mbrojtësi i viktimave kërkon ta marrë në pyetje Ibishin: Ka ...