Google ADS

U nënshkrua memorandumi i bashkëpunimit ndërmjet FFK-së dhe FF të Katarit

15:31 | 14 Shkurt 2020
A. B.

Presidenti i FFK-së, Agim Ademi, sot, ka arritur në Doha, ku po qëndron me ftesë të Federatës së Futbollit të Katarit.

Numri një i FFK-së, Ademi në aeroportin e Dohas është pritur nga zyrtarët e FF të Katarit si dhe nga ambasadori i Kosovës, Amir Ahmeti, derisa më pas në selinë e Federatës së Futbollit të Katarit është nënshkruar memorandumi i bashkëpunimit ndërmjet dy federatave nga nënkryetari i FF të Katarit, Saoud Al Mohannadi (që është edhe nënkryetar i Konfederatës Aziatike) dhe nga presidenti Ademi.

Ky memorandum përmban shumë fusha të bashkëpunimit, nga të cilat do të përfitojë futbolli i Kosovës, si në aspektin sportiv edhe në atë menaxherial dhe të marketingut.

Presidenti Ademi, sonte, do të jetë mysafir special i FF të Katarit në ndeshjen e Superkupës së Konfederatës së Azisë ndërmjet skuadrës nga Egjipti, Zamalek dhe asaj nga Tunisi, Esperance, derisa nesër presidenti Ademi do ta vizitojë institutin e sporteve të Katarit dhe institutin e mjekësisë sportive.

Shpërndaje në rrjete sociale

Lajmet më të lexuara

Të ngjashme

Foto lajm