Fitore në kohën shtesë për Los Angeles Lakers ndaj Denver Nuggets falë dyshes magjike LeBron James-Anthony Davis.
Mbreti James ishte thjeshtë fenomenal në këtë suksesin 120-116 të kalifornianëve në transfertën e Pepsi Center në Colorado. 32 pikë 12 rebound dhe 14 asiste ishin shifrat e LeBron që regjistroi një tjetër triple-double.
Një paraqitje mbresëlënëse dhuroi edhe Anthony Davis autor i 33 pikëve dhe 10 rikuperimeve poshtë tabelës. Për LA Lakers kjo ishte fitorja e 41-të sezonale në 53 takime.
Me Luka Doncic Dallas Mavericks është një tjetër skuadër. Teksanët u rikthyen te fitorja pasi mposhtën në American Airlines Center me rezultatin 130-111 Sacramento Kings. Slloveni Doncic e mbylli sfidën me 33 pikë 12 rebound dhe 8 asiste duke qenë padisktuim lojtari më i mirë mbi parket për Mavericks.
Për të kthyer me këmbë në tokë Toronto Raptors dhe për t’i shkaktuar humbjen e parë pas 15 fitoresh rresht skuadrës kaliforniane mendoi Brooklyn Nets që mposhti kampionët në fuqi të NBA me rezultatin 101-91.
Serge Ibaka dhe VanVleet realizuan të dy sëbashku 50 pikë për Raptors por kjo nuk mjaftoi pasi loja në grup e Nets bëri diferencën në këtë duel. Humbja e 4-t rresht për Golden State Warriors që u mposht edhe nga Phoenix Suns me rezultatin 112-106.
Më i miri mbi parket në këtë duel ishte Andrew Wiggins prurja e re e Golden State por që gjithsesi nuk arriti të evitonte humbjen e skuadrës nga San Francisco. /SS/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite