Varhelyi: Komisioni Evropian pret që Shkupi dhe Tirana të marrin datë para takimit në Zagreb

22:11 | 10 Shkurt 2020
Arbresh Info

Komisioni Evropian pret që Shkupi dhe Tirana të marrin datë për nisjen e bisedimeve për anëtarësim në Bashkimin Evropian para takimit në Zagreb në maj. Këtë e njoftoi në Kuvendin Evropian, komisari për zgjerim dhe fqinjësi, Oliver Varhelyi.

Ai shtoi se KE ka për qëllim ta përshpejtojë zhvillimin e rajonit me perspektivë të qartë evropiane.

Vahelyi shtoi se ndryshimet e rregullave për anëtarësim në BE të propozuara nga Komiteti para disa ditëve parashohin kërkesa më të qarta për vendet kandidate.

Sipas tij, nëse përsëri anulohet vendimi për caktimin e datës për nisjen e bisedimeve me Shkupin dhe Tiranën, do të ketë hapësirë për forcat e huaja. Ai ju bëri thirrje BE-së të trajtojë vendet e Ballkani Perëndimor si vende të bashkësisë./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm