Google ADS

Shënohen 6 raste të reja të koronavirusit në anijen japoneze

15:04 | 9 Shkurt 2020
Arbresh.info

Gjashtë persona të tjerë janë diagnostikuar me koronavirus në një anije japoneze, e cila para disa ditëve u vendos në karantinë, duke e çuar në 70 numrin e udhëtarëve që infektohen me virusin e rrezikshëm.

Rezultatet e testeve ende janë duke u kryer, ndërsa personat që ndodhen në anije janë vendosur në karantinë për 14 ditë.

Autoritetet japoneze më parë i kanë testuar 279 persona që ndodheshin në këtë anije, me ç’rast zbuluan se 64 prej tyre ishin të infektuar.

Përpos rastit të anijes, Express shkruan se në Japoni më herët janë regjistruar edhe 26 raste të tjera të infektimeve.

Anija “Diamond Princess” u vendos në karantinë pasi një udhëtar që shkoi në Hong Kong muajin e kaluar u diagnostikua me koronavirus.

Në anije ndodheshin më shumë se 3700 persona, kur ajo arriti afër brigjeve të Japonisë javën e kaluar, shkruan “France24”.

Nga pasagjerët është kërkuar që të qëndrojnë brenda kabinave të tyre në mënyrë që të shmanget përhapja e mëtejme e virusit mes tyre.

Shpërndaje në rrjete sociale

Lajmet më të lexuara

Të ngjashme

Foto lajm